Francis Khampi in Australia pan ongzin Pu Zokhai ankuang umpih
ZomiDaily :: 2012/Feb/19 nitak Malaysia Kuala Lumpur aom Francis Khampi in Pu Zokhai ankuang umpihna nei cihthu kiza hi. Francis Khampi pen Malaysia gamsung aom UN sang ihcihcih Community sanginn khempeuh ading in Coordinator asem ahihi. (Project Coordinator, Teacher Compensation Project, UNHCR/ Dignity for Children Foundation) Pu Zokhai pen Australia pan hongzin hi-in, a 64 ci'n Zomi National Day hun ah Minamthu gending in Malaysia om Zomi te lungngulh natawh hong kuan kia ahihi.
Francis Khampi inn ah ZAM pan in Makaipi Pu Nang Khan Pau, Pu Zokhai te tawh daak 2 sung holim nanei uh hi. A holim na uh ah minamvai lapsang nading in kipawlna khempeuh pan in pilna lam bulphuh pen in kikum khawm uh hi. Australia gam ah zong Zomi nam kepna ding in Zolai thupi takin asin na uh Pu Zokhai in thu kicingtak in gen khiahi.
Pu Zokhai zong RMIT University ah (Staff No. e 01409) tawh Laihilh in asawt lo in Zolai Diploma piakkhiat ding gimna lianpi nei ahih na thu zong genkhia hi. Minam thu ah Zomi akici pen Kamphen kullo, Dawi biakna kibang ngei, lasak kibang, Laam zia kibang, zia leh tong kitel kithei teng Zomi ahihi ci hi. ZomiDaily/HauThang