Laibu ading Article ngetna
Nungkum bei kuan a i tangko zel ahi, Zomi Biakna lam Doctorate ngah teng, (D.D) te zong kihel ding; a laigualhna ah a khawkkhawkin khen ding ahi hi. Tua banah kum 2000 khit Secular lampan Ph.D ngah thakteng (laibu dangdan sung a kihel nai lo deuh teng cihna) teng dapphahin a kibawl ding Laibu sungah helbeh ding hong puak thei nai lote'n zong nong puak mengmeng nading un kong ngen hi. Hih laibu sungah tulaitak Zomi dinmun leh nasepnate akipan theihhuai leh khantoh nading thu manpha tuamtuam zong kihel ding hi. Simnop ding, a muhnop pawl zong om mai ding a, laibu hoih mawh het lo khat hong hi ding hi.
Tangthu hong khakkhinsa i Siapite' sungah helbehnop a nei na om vua leh hong behlap theilai hi uh teh. Tua
leh maante zong na lunggulh zawk uh aom leh ki print nai lo ahih manin hong khak thak le uh teh cih i kitheisak hi. Mipilak ah ahi lo, a tuam a kong nget zong pawlkhat om ding hi, cih zong a kitheisak khol i hi ding hi. Thu hong khak masalamte'n zong sawt khin a sa pawl om tham kha nu cin, na ngak siam un la, Kawl tuibuahma teitei a hawmkhiat zawh ding lunggulhna ahi hi, cih i kiphawk thaksak nuam hi.
Tua laibu sungah tutung a "Pahtawina Poster" tawh kisai i kikup ngeingaina sungah a kihel nai lo i siapi leh sia nengneng pawlkhat nangawn hong kihel ding hi, cih zong i kiphawksak hi. Tuate pen laibu sung hong hi ta ding ahih manin angtanhuai leh sawt hong kimang zaw ding ahihnate zong i kiphawksak nuam hi. Nang zong hel ding a kilawm na theih a thupi mahmah pawlkhat hong khak thei hi teh. Tua pen tu kha bei ciangbek ahunlap ding hi.
A thudang khatah:-
Tulaitak US ah Zomite motor hoih khawng kidem cih innlam pan na za ve ung in, a hoih nei pen, a tamman nei pen kua hi a, a motor bang cih nong gen thei uh diam; inn hoih pen a tamman pen cihdan khat zong laibu kiukhat khawng ah suaksak kiau nuam hi hang. Tuabanah a siangtho kiteenna tawh nupa suak, mopawi limcitak a bawl pen, a nopci pen banah pilna siamna maban kician a nei Zomi nupa kop khat tangthu leh maante zong a lunglut na om vua leh suaksak nuam i hih manin kisuangtak het lo takin hong khak le uh teh cih, mipi lak a tangkona khat kong nei nuam hi. Tua in, tulai khangnote' mailam ding pawlkhat hong musak tuam thei dingin ka lamen hi.
Thungetna leh neihsa tawh i maban khoptek ding lunggulhna lianpi tawh,
Peter Khampu
Kalaymyo