Pakokku University siamsin te buaina vai thuumna kinei
ZomiDaily :: Kawlgam sung aom Pakokku University siamsinna sangpi ah Makailian pen (********) in Zolia siamsin nu' (********) tungah Minamvai gensiadikdek, kobawl hamsiat dikdekna thu tawh kipawl in, tungsiah kumpithunei ulian te tungah thuzaksak pholakna, theih sakna abawl loh nading in, tua lai a, Zomi Siamsin Sangnaupang makai te tungah thum na thu om hi cih Karen United News pan kiza hi.
Febuary 02, 2012 ni-in Pakokku University siamsinna sang ah Assistant Lecturer (Botany) kumnih na, pilciim hil dawl tungnung Siama Dr. Daw Khine Khine Myint (Mon Ywa) in Zomi siamsin te neusek genko hamsiat ahih man in, Registrar tung ah Siama nu athu om bang in thubawl ding in Zomi Lai leh Ngeina Comittee upa te in theihsak na nei uh hi.
Zan mah in Botany Department pan in' akibawl khawmpi ah Dr. Khin Win Mo in agen na ah, "Hih bang dan neusek genko hamsiat na pen nakzumh huai mahmah ahih man in tungsiah kumpithunei Ulian te tung ah hong pholak tokei ta peuh un." ci'n Zomi siamsin Sangnau pang Makaite tungah thumna, bawl ahih nathu Pakokku
University ah siamsin Zomi Lai leh Ngeina Comittee Thuzeekpi Salai B.H Biak Chung in gen khia hi.
"Khawmpi ah Department pan Makaipi te ban ah Professor Pil ciim teltheih te, apanpih Pilciim teltheih te, Sangsia laihilh te cih bang in amau lam pan in Upa 15 hong kihel uh hi. Zomi Lai leh Ngeina lampan in Kei (Salai B.H ) tawh Salai Hung Ling, Salai Thil Vum, Salai Than Sung, Mai Lia Paal mawi, Mai KyinKyin Win, mi (6) ka kihel uh hi" ci'n Salai B.H Biak Chung in gen khia hi.
Hihbang ciang tawh kicing thei pah lo ding ahih man in Pilciim tel theih makai pipa pan kipan Panmun tuamtuam ah thunei te tawh atawm pen in Pakokku University melkimuh khawm pi ah kikupnawi na nei nuam ahih na thu zong phuang khia hi.
Zomi siamsian laitak leh siamsin sang kah ding' sang nau pangthak peuh mah in Dr. Daw Khin Khin Myint pen ki en cik pah vilvel ding ahih man in Siama Nu zong Zomi Siamsin te om loh na sang mun khatpeuhpeuh ah ki khin khiat nopna lungsim nei ahih nathu zong ki thei khia ta ahi.
"Ko deih nget na ah ahih leh bel, Pilciim teltheih makai pi pa in Zomi te lungnuam sinnuamtak in siamsin theih na ding in thukho thukip hong piak nading mapan na leh nidang hun teh hihbang minam neusek kobawl hamsiat azat vetvet loh nading, khutnuai siamsin sang Siama le Sia khempeuh te tung ah akidop huaina thu apiak nading leh Pakokku a, Zomi ulian te leh makaipi te mai ah thum na nei-in hong lutna ding ka deih uh hi" ci'n Zomi Lai leh Ngeina Comettii Salai B.H Biak Chung in gen khia hi.
Pakokku University ah Zomi 203, Technology siamsin 46, Education Siamsin 167, Computer siamsin 5 cih bang in University 4 om na sung ah Zomi siamsin akigawm mi 421 bangpha cih kiza hi. ZomiDaily/HauThang