New Delhi :: A 64 cinna Zomi Nam Ni
Leitung pianzawh Zomi Nam Ni kum 64 vei cingta a ahi zongin 64 vei kibawl nailo hi. Tua cibang kawmkal ah tukum in Delhi aom Zomi Innkuan ten bangthu bangla za aitam? Zomi Nam Ni Celebration Committee hong vaihawm in anuai abang in panmun seh uh hi.
- Chairman : Sia Do Khan Khai
- Vice : Tg. Thawng Do Mang
- Secretary : Sia Neng Za Dongh
- Treasure : Pa Khoi Sian Pau
- Accountant: Pa Dongh Lian Kham
Hih tengin bing leh buangin Zomi Nam ni hong vaihawm uha, eipau mah tawh thu genin eila mah tawh gam leh minam ngaihna late sainZCD Biak-inn ah Zomi Nam Ni eipau tawh Zomi innkuan minin a khatveina Delhi ah hong bawlkhia demdam uh hi. Hih hun sungah Chief Guest dingin Advocate : Pu Kham Chin Pau (K.Zou) samuh a, President: Pu Gin Suan Hau (United Zou Organization India) in Sum Rs.20000 bei-in sun ann vak-a, lasateng hawmding letsong Rs.5000 apiak ban ah hanthawtna zong nasiat takin nei hi. Pu Lang Khan Pau (MCD Chairman, Manipur) leh a lawmnu Nu Cingin zong uap uha Sum Rs.10000 lungdampihna apiak ban ah mipite thapiak na zongnei tha ki ngah mahmah hi. Tuaban ah Pu Thang Za Lun (Raja Saba ah Assistance Director) asem leh Pu Go Za Mang ADC ah Executive member ten zong vauap uh hi. Pu J. Thang Lian Pau in Zomi Nam Ni tawh kisai tawm genna hong nei hi.
Zomi Nam Ni ah ZRO Dial kikhai in kipat dingin mipi'n dinsa in Thawn Kham la Zogam, Zomi pen dai dide in kingai in tualai tak Chief Guest leh alwmte hong lut uha, lasak manphet in Laipi(preamble) simna Chaiman pain a neihkhit teh hunap thungetna in zomin hun ki zangto ziahziah hi. lasiam mi 17 bangin gamgnaihla vive saziahziah uha, i lungsim hong vut mahmah hi. Tukim Zomi Nam Ni bei Delhi ate natai mahmah ungh. Mizoram House ah abawl pawlzong om, Chin Student Union te makaih na tawh Binderpur Hall ah abawl zongom in Delhi ah munthum ah kibawl cihding hi. No lamten na bangci bawl uh hiam? Maikum ah i bawldan a kibang khin zokei zongin i Laipi sim leh i dialkhai kibang thei leh uthuai nasa uh hiam?
Khaibawi