Malaysia "Zomi National Day" kiallap thupuak
ZomiDaily :: Malaysia om Zomi omteng in zong Chinwoo Stadium Hall pi sungah nopcitak leh picingtak in 2012/Feb/20, zinglam 11am pan 6pm dong Zomi Nam Ni bawl uhhi. Kampau kibang sitset ki za ziahziah in nuam mahmah hi. Anei khempeuh in Zopuan silhzihziah, Zoniik kiteng zihziah, Saihadial kikhim zihziah hi ci-in Zomi Nam Ni apai te tung pan kiza hi.
Saihadial:
GZA pan in Ngeinalam alen Dr. Cin Sian Pau in Saihadail, amelkang puankhau hoih mahmah tawh ki bawl, apaang ah atungto Puanlaisan mel leh, taltungah Vaphual nupa kimai tuah ahoih mahmah hong bawl khia in hoih kisa lua in khangno te'n lei ziahziah uhhi. Tua ban ah ZAM pan in zong Zolukhu amel kang Puanlaisan tawh kizem ahoih mahmah ZAM tanu ten leitheih ding in na koih leuleu a, tua zong bei pah ziau in kilei ziahziah hi.
Minampuan, Minamvan:
Minam puan, Minam van te sung pan in Zoniik, Zopuan, Zokhi, namtuamtuam om zihziah in leipah zang pahin nop ci suah mahmah hi. Bus sung khua sungah Zominam paun tawh lam pai ki mu ziah ziahhi. Dr. Pau bang Saihadial khimsa in pai khia lian a, aveng aom Sente, India te leh minamdang tuamtuam te'n lamdang sa in en ngeungeu bek uh a, aveng aom ahopih theizel te bang in ho ngamlo in mual khup dong enteitai hih tuak hi. Bang hiam cih leh Zominampuan silh, Saihadial khim amuh cilna leh minampuan, Saihadial in Vang neiluazaw ahihi. Minam puan asilh khalo te bang amai zummahmah kik zaw liang ahihi.
DVD tuamtuam:
Zomi sung ah atheihhuai azaknophuai lahoih thuhoih ki khum na DVD zong athak kizuak zihziah hi. Tua te in (1) The first Zomi Action Film & Kungfu Show DVD, (2). Sinlai hong phawng DVD, (3). Zogam Oasis Vol (1) DVD, (4). Ciam pello DVD, (5). Lungtup (Kamseen) DVD, (6). Avangliatna DVD, (7). Alian pen itna DVD, (8). Nama hongvang dinghi DVD, (9). CCJ Malaysia DVD cihbang in kizuak zih ziah, kilei ziahziah hi.
Laibu tuamtuam:
1. Laukha' Lungdeih, Zokhai gelh laibu laimai 355, apha, 2. Zomite' thu leh angeina uh laibu Dr. Cin Sian Pau gelh laimai 106, apha 3. ZOLAI Paunam khenna leh Kampau Luanzia Laibu, Dr. Cin Sian Pau gelh laimai 167, apha 4. The 64th Anniversary ZOMI NATIONAL DAY laibu no laimai 27 apha cihbang in thuhoih nono tawh akidim laibu kikoih ki lei ziahziah hi.
ZSM kipawlna:
Nasem vive kihi ahih man in Pawlpi ahi a, Khuakipawl na ahi zong akihel man lo ZSM Zomi gen vai kipawlna dong tuak luang kiphamna zong alutnailo hong pikhat mah om ahih man in tuni Zomi Nam ni in alut na ding in Zum lam pan tanu ten minamveina tawh hong sem khia uh hi. Tampi mah in lutna bawl thei hi.
Zomi Nam Ni hun bawlzia te:
Ahuam pi in Minam thu, Ngeinathu, Laithu min phuah zia, Kumkhen hun, Kum cin hun, ih neih
nathu Chin cih Zopau in akhiatna aomloh na thu' khangno te theih tel nang in hilh mop na nei hi. Lasak na lam pan in zong kicing sak mahmah hi.
Minamthu ah Pu Zokhai in Zomi ih hih nathu diktak in gen a, kampau kibang tatleh heek kibang te, minphuah zia dongah akizom duedeu te minam khat ahi Zomi hih na gen khia hi.
Ngeina thu pan in Dr. Cin Sian Pau in lasakzia latung laphei sak zia te amah mahmah sa solo in sa kelkel in hong lak khia hi. Tua ban ah Khuado hun in kumkhen hun, ahih na, kumkhat i alang bei ahih na ala athu tawh tawh sut hi. Sialsawm in Kumcin ahih na thu ala athu in pulak na zong nei hi.
Ngeina lam lah na pen ZOCUS ihcih (Zomi Culture Uplift Society) pan leh ZAC, Zomi Adventist Church pan in Sawngsik lam lak khia uh hi. Tuaban ah ZEC sang naupangten zong Zomi khuaksak nun zia nasep la te alim mahmah tawh lak khia uh hi.
Lengla kinei:
Pu Zokhai, UNHCR pan CDU vaipuak thu neite, Lasa Kamseen leh Malaysia lasiam minthang mahmah Ariff te hong ki hel hi. Ariff in La dawng nih hong sa hi. Adawng nihna pen ZEC sang naupang te tawh nop citak in sakawm uh hi. Ariff pen Lasa ding hong di'n to lian in ZOMI Dammaw? hong cilian ahih man mipi atul asim in lamdang sa in awng ziahziah hi. Malaysia mi lak ah Zopau apau masa pen lasiam Ariff hi pah hi.
Sumvai tuamtuam:
Sum vaituamtuam pen ngahnazatna te minam ading hun piakhia Pu Kap Lian in kitel diktak in mipi tung ah zaksak na nei hi. Hall kawm man, Banner bawlna, Music kawmna, Lengla te noptuam piakna, Lasa te pahtawina,pulak na nei hi.
ZSM genvai:
Malaysia ah Zomi om zawh siluang 88 kim nun nunna mualhong liamsan na tawh kipawl in ZSM pan in zong mipite theih huaithu leh minam ading akipiak khiat zia na sepna Zomi luang kipham na, Zumvai Palikvai ah nasep zia temipizak in gen khiahi. Zomi tul 20 kim bang ding ah ZSM kipawl tul 4 val bang bek hi in, mikhat asih ciang in tul 3 pan tul 4 kikal abeina thu, Han mun leina, Han kuangleina, Bus sap cih te pulakna neihi. Bangbang ahing zong in kumkhat kipawlna RM10 khat tawh luang kipham ahih natthu thupitak leh manpha ahih nathugen khiahi. Akipawlkha nailo te zong alut kim nang ding akisap ziate ZSM makaipi pa in teldikna gen khia hi.
Kimawlna:
A (64) ci'n na Zomi National Day ading in akhua khua pan kimawl te zong kimawl na lam vaipuak nei ten mipi muh na ah limcitak in pahtawina min phatna ki piaziahziah hi. Akicingzaw in alimtawh muh theih ding in ZAM tanu ten DVD in hong puak sawn lai ding ahihi. Zomi National Day ah hong kihel atultul kipha ahihi. ZomiDaily/HauThang