LZI Kipawlna 2012 Kumcin Khawmpi, Tangmite leh Kiteelpi vai
Leitungbup Zomi Innkuan Kipawlna
(Zomi Communities Organization)
USA, Canada, UK, Denmark, Norway, Sweden, Germany, India, Singapore, Malaysia, New Zealand, Philippines, Korea
Thupulakna (Press Release)
A Thu : 2012 Kumcin Khawmpi leh Tangmi puak ding vai
A Simna : LZI/Press/EC-05; February 14, 2012
1. Leitungbup Zomi Innkuan Kipawlna, Executive Council in Feb. 11, 2012 ni in, LZI EC Thukikupna (LZI/EC-09/2010~2012) lawhcing takin bawlzo hi. Tua Thukikupna sung panin 2012 Kumcin Khawmpi tawh kisai anuai a bangin geelna leh thukhensatna kinei hi.
(i) LZI Kipawlna 2012 Kumcin Khawmpi pen March 10, 2012 (Saturday) ni in Teleconference zangin kibawl ding hi.
(ii) 2012 Khumcin Khawmpi ah Thukhunpi tawh kituak in LZI Kipawlna in ahuam Zomi Innkuan kipawlnate leh Zomi-te’ khua leh tui kipawlnate panin ahong kipuaksa Tangmi (Representatives) khempeuh leh Executive Council panmunlen khempeuh kah thei ding a, thukhensatnate ah Vote nei thei ding hi.
(iii) Tua ban-ah, March 4, 2012 ni lap-in, LZI Kipawlna ahong zom Zomi Innkuan kipawlnate leh Zomi-te khua leh tui kipawlnate panin ahong kipuak Tangmite zong 2012 Kumcin Khawmpi akah thei ding leh Vote anei thei dingin kikhensat hi.
(iv) March 4, 2012 ni ciangciang Tangmi ahong puaklo Zomi Innkuan kipawlna leh Zomi-te khua leh tui kipawlna tuamtuam pan Makaipite (President), ahih theihkei leh Thusapi/Thuvaanpite (Secretary) zong 2012 Kumcin Khawmpi hong kah a, thu ahong theihpihna (Observer) dingin sap dingin khensat hi.
(v) 2012 Kumcin Khawmpi sung ah 2012~2014 kum sung LZI Kipawlna a makaih ding Executive Council panmunlen kiteelna (Kiteelpi) tawh kisai kikupna leh vaihawmna kinei ding hi.
(vi) 2012 Kumcin Khawmpi sung ah abeisa kum (2010~2012) sung LZI Kipawlna maban kalsuannate pulakna, leh tua thute tawh kisai dotna leh dawnna hun kihong ding hi.
2. LZI Kipawlna tawh a kizom nailo, ahihkei leh, LZI Kipawlna, Zomi Innpi ah Tangmi apuak nailo, muntuam gamtuam a om Zomi Innkuan kipawlnate leh Zomi-te khua leh tui kipawlnate in tutung 2012 Kumcin Khawmpi hong kah in, thukhensatna leh Kiteelpi ah Vote ahong khiat theihna dingin, March 4, 2012 ni lap-in anuai a Thuvaanpi teng tung ah Tangmite min, Email leh Tel. nambat cih teng hong kipuakna dingin itna tawh kizawn hi. LZI Kipawlna tawh kizom in Tangmi puak ding hun pen Kumcin Khawmpi amankhit ciangin zong a hun ciangtan omlo in kihongsuak ding hi.
America khawk : Pa Go Sawm Khup (gskhup@aol.com)
Asia khawk : Dr. Do Khan Khup (dkkhup@gmail.com)
Europe khawk : Pa Anthony Gin Khan Lian (anthony_lian@yahoo.com)
3. LZI Kipawlna, Zomi Innpi ah Zomi Innkuan kipawlna leh Zomi-te khua leh tui kipawlna khatpeuh in, Thukhunpi leh Ngeina Dante (Constitution and Bylaws) tawh kituak in, Tangmi atawm pen (1), a tam pen (5) ciang kipuak thei ding a, Tangmi khat in Kiteelpi ah Vote khat nei ding hi.
4. Kumcin Khawmpi sung a thukimna bangin Kiteelpi kibawl ding a, 2012~2014 kum sung LZI Kipawlna a makaih ding Executive Council panmunlen (15) kiteel ding hi. LZI Kipawlna Bylaws zui-in, LZI Kipawlna Pawlhuam kipawlna khat in Kiteelpi ah panmunlen kiteelna a tuh dingin LZI Kipawlna Thukhunpi leh Ngeina Dante asang thei Zomi Candidate atam pen (7) ciang kipuak thei ding hi. Kipawlna tuamtuam pan akipuak Candidate teng sung panin EC panmunlen (15) akiteel ding ahi hi.
Executive Committee
Leitungbup Zomi Innkuan Kipawlna
Tang’in;
Sd. xxx
(Go Sawm Khup, Pa)
Thuvaanpi
Tulsa, OK.
February 14, 2012