Kalaymyo :: Zomi Nam Ni vai tangkona

Zomi ulehnau, nulehpa te aw,
Tedim CCJ pawipi pan hita leh Kawlpi GZA Khawmpi pan hita leh Zomi Nam Ni bawldending vai ih thukim sa tawh ki zui in Kawlpi ah zong tukum Kum 64 cinna Zomi Nam Ni pen Zomi Hall, ZBCM Compound ah 20.2.2012 ni ni tak nai 6.00PM pan ki pan in Zongei na lam tuamtuam, Zogam, Zomi itna la ngaih nono leh Zomi Nam Ni piankhiat na thu te gen na tawh thuah in Zomi Nam Ni thupi tak in kibawl ding hi.

Hih Zomi Nam Ni pen Kawlpi khua sung a om kipawl na tuamtuam teng kigawm khawm a ki bawl ding hi.Tua kipawlna teng ahih leh

1. ZYA
2. Siam Sin
3. Tahan ZYA
4. Munlai MZCYF
5. Tedim Association
6. Khawlzang Veng kipawlna
7. Ngakan Veng kipawlna
8. Vengkeem kipawlna
9. ZOMUS Kalay

cih teng kigawm khawm ding hi.

Ih Minam Ni ahih man in Ih Minam It na tawh ih kihel kim ciat na ding in zahtak na lian pi tawh kong sam uh hi.

Zomi Nam Ni Piangsak Committee aitang in,

Pa Kam Suan
Mung (layseihmung@gmail.com)
Secretary
ZYA