Michelle Yeoh in Kawlpau kha 6 sung sin
ZomiDaily :: "The Lady" kici Film pen leitung gampawlkhat ah ki laklak ta hi. Hih Film pen Aung San Suu Kyi ii tangthu akizaih hi a, Aung San Suu Kyi dingin Malaysia gammi te khat ahi Actress minthang mahmah Michelle Yeoh ki neih cihzong ihzakzaksa ahihi.
Michelle Yeoh in Aung San Suu Kyi aki neihtheih nadingin Kawlpau paukul ahih manin, hih "The Lady" akizaihma in kha 6 sung Kawlpau sinngekngek phot cihi. Tuaban ah Michelle Yeoh in hih Film kizaihding in a tangthu Script a ngah mapek in Aung San Suu Kyi' Role kineihding pen utkhinta, thukim khinta cihi. Banghanghiam cih akidot ciangin Aung San Suu Kyi pen Kawlgambup adingin numei hangsan Heroine ahih banah leitungbup numei khempeuh lakpanzong ka zahtak mahmahkhat hi cihsuk giaplel hi.
Film bawlsiam in aminthang mahmah ahi Director Luc Besson in azaihkhiat ahi "The Lady" Film pen kha 13 sitset ki zaihkhop cimawk hi. Actress Michelle Yeoh in hih Film aki zaihdingman bekbek in Kawlpau kha 6 sung sinkul a, tuaban ah Piano tumzong kasin ngekngek kul hi ci'n genkhia hi. Nisim in Homework tampi tawh inn ciahden in hanciam mahmah a, zong katawl mahmah cihi. Ahihhang hih "The Lady" Film akizaihkhak manin, Michelle Yeoh lungkim mahmah veve hi. Lamkhat ah Kawlgam kumpite bel nuamhetlo ahih manun, Michelle Yeoh pen Kawlgam ahawhthei nawnloding in khakcipmawk uhhi. Democracy, Demo Crazy... ZomiDaily
