Lasiam leh Film Star Whitney Houston (kum 48) si
Lasiam Whitney Houston si, kum 48 pha hi. Ama’n album 170 million bang zuak in khawng hi. Khamtheih tawh buai den in; tua mah sih pih ding in kiummawh hi.
Houston tukum a kibawl ding “Sparkle,” kici film ah kihel ding sawm hi. 1996 a “The Preacher’s Wife” kici film ah a kihel ban hih amasa pen ding ahihi.
Ama la Billboard No. 1 hits te lak ah “Saving All My Love for You,” “Greatest Love of All” leh “Where Do Broken Hearts Go”, te kihel hi. “The Bodyguard” kici film ah soundtrack zong ama a hi in, top 10 biggest-selling albums of all time te lak a khat ahihi. Tua film mah a zong kihel hi.
A nu lasiam Cissy Houston hi in Whitney pen August 9, 1963, in Newark, New Jersey ah suak hi.
Music producer Clive Davis kici khat in Houston kum 20 kiim a hih ciang in New York nightclub ah la a sak laitak mu kha in tua ni a kipan a music career kipan in gen theih hi.
Kum 2000 in Houston in Grammy ah best female R&B performance ngah a, gukvei a ngahna ahihi. Kha khat nung in “female artist of the decade” cih “Soul Train” Music Awards ah ngah leuleu hi.
Ahizongin tua zawh ciang in a khamtheih zongsatna hang tawh rehab khong ah om in a lasakna tampi buai hi. Source: Vaphual
