About Us
Our Vision
To promote Zomi & Zolai to the world
What we do
ZomiDaily pen Zomi sungah nisim thuthak tuamtuam kizak tuahtheih nadingin News Portal kiciankhat ahihtheih nading kilunggulh mahmah hi. Tuaban ah Zolai tawh akigelh, Zomi te phattuamna ong piatheiding thului Articles tuamtuam zong kikaikhawm in kikoih hi. ZomiDaily in Zomi sungah sim leh mal, khua leh tui, beh leh phung deidan aneihloh banah Biakna (Religion) leh Gamvai (Politics) te ahzong guptuam, paihtuam kineilo hi. Tuaban ah Zomi te biakna, upna Denomination tuamtuam ahi RC, Tuiphum, AG, SDA, EBC, Laipian cihte laigelh sungpan Zomi te ading phattuamna aomnakleh kisuaksak hi. Gamvai Politics thuzong ahunzui leh thuthang ombangbang in kisuaksak theizel a, ahihhang Politics lamah koimah kipawlna tawh kisawhkhalo hi. Gamvai, Minamvai, Biaknavai cihte banah leitung sumzonzia, ki makaihzia cihte akipan Technology lamdong in aomthei bangbang kisuaksak zelhi. Laisim Zomi te kikal ah kaingawi septheihding kilunggulh masapen ahih manin, nakhempeuh alaihawl, alailak ah "Moderate" takin kisuaksak, kipulakkhia a, mikim leh Zomi kipawlna khempeuhtawh ki uitui takin sepkhop bawlkhoptheih nadingzong lunggulhna lianpi kinei hi. ZomiDaily pen mimal leh kipawlna khatpeuh tungah ki ngalo a, sum leh paai lamahzong tuciangciang Financial Independance takin kuamah ki konlawhlo hi.
Zolai ngiattawh thului leh thuthak tuamtuamte ZomiDaily ah ahunhun in koihzawh nading kihanciam mahmah hi. Manglai pan inzong Zolai ah lettheih bangbang kiletkhia a, siamman leh telman hilozaw in ukna leh veina bekthamlo kisapna aomman in aki semkhia hizaw a, khialhna leh kicinlohna tampitak omding hi. Mundang Website tuamtuam paninzong akilasawn tampi omkhading a, akilasawn peuhmah aneite leh laigelhte zahtakna tawh "Source:" ci-in atawpna ah kigelh hamtang dinghi. Akigelh khalo aomlehzong hehpihna tawh ongzasak kik un. Hihpen Zomi sungah Copyright Infringement tawh buaina aom liannailoh hangin Media lam khatlekhat zahtak kipiakna, Credit kipiakna hi a, Source: gelhdetding ZomiDaily in thupi kisa mahmah hi.
ZomiDaily in "Public Domain" kibulphuh in na kisem ahih mahbang in, ZomiDaily website tungah konggelhkhiat uh thului, thuthak khatpeuhpeuh suaktatak in na Website leh laihawmte ah nakoihsawn theihi. ZomiDaily tungah Credit piakding leh piaklohding cihtepen alasawnte mimal ngaihsutna tungah ki ngazaw hi. Migelhsa thului, thuthak khatpeuhzong ei gelhtawm bangin tawmkhatcit laihin puahtawm cihte kizanglo a, Zomi sungah Media a ukte'n ihzatkhak hetlohdingzong thupi kisa mahmah hi. ZomiDaily ii sepleh bawlna tawh kisai kisapna, hawmthawhna, kuppihnop cihte aomleh zomidaily@gmail.com ah nong kuppih nadingun kongzawn uhhi.
- Philippines ah MBA akah ahi Tg. Thawnpu in Zo Lapau (Poem) Section ah Main Contributor ong sepsakthei ahihmanin ZomiDaily pan ki lungdam mahmah hi. POEM
- Tg. Sawm Nang in Video Section ah Main Contributor ong sepsakthei ahihmanin ZomiDaily pan ki lungdam mahmah hi. VIDEO
- Tg. Kap Cin in Zomi te theihhuai thului thuthak tuamtuam ong gelhkhiat zelzel manin ZomiDaily pan ki lungdam mahmah hi. Kap Cin
- Hau Thang in Kawlgam vaigam, leilu leita thuthak tuamtuam leh Articles tuamtuam ong gelhkhiat zelzel manin ZomiDaily pan ki lungdam mahmah hi. Hau Thang
ZomiDaily is an online news portal for Zomi around the world. Nowadays, Zomi people are spread all over the world, and internet is the best tool to keep in touch each other. Thus, Zomi Daily takes initiative to let Zomi people stay connected online, especially on www.zomidaily.com. Yet ZomiDaily is one of the most popular websites among Zomi to surf latest world news, Asia Pacific news in both English & Zolai version. Even more, Zomi News, Zomi Article, Zomi Poem, Zomi Song, Zomi Video, Zomi Culture, Zomi Literature, Zomi Philosophy, Zomi Lifestyle and anything related to Zomi are compiled here, JUST FOR YOU.
http://community.joomla.org/showcase/sites/news-a-media/news-and-current-events/zomi-daily.html
ZomiDaily :: Stay connected online
W:http://zomidaily.com
E:zomidaily@gmail.com
F:www.facebook.com/zomidaily
T:www.twitter.com/zomidaily
Y:www.youtube.com/zomidaily
